DISGRIFIAD O’R

BRID

Disgrifiad o’r brid Disgrifiad o Hwrdd Mynydd Cymreig Pedigri. (Mamogiaid yn wahanol, gan gofio eu nodweddion benywaidd) • Pen - Gwrywaidd, o hyd cymedrol gyda gên gref, siâp lletem, yn meinhau tuag at y trwyn, wyneb dysgledig ddim yn ddymunol. Talcen a thrwyn llydan. Cyrn yn weddol gryf a chrwn, heb fod yn rhy agos at y gwreiddiau. Y bochau, a'r talcen i fod yn rhydd o wlan. • Lliw y Pen - Gwyn neu ychydig o liw brown golau, lliw brown tywyll ddim yn ddymunol. Llwyd i wahardd yn gyfan. Trwyn du yn well, ond trwyn brith i beidio â gwahardd. • Llygaid - Amlwg a bywiog. • Clustiau - Bach a thenau, wedi'w gosod yn lletraws. • Gwddf – Cryf a thrwchus. • Llwnc - Byr ac wedi'i ddiffinio'n dda. • Brisged - Eang ac amlwg. • Ysgwydd – Crwn ac yn wastad gyda’r cefn. • Asen - Dwfn a digon o fwa ynddi i sicrhau digon o gylchfesur i’r galon. • Cefn - Yn gryf, byr, yn cario yn dda o’r ysgwydd i’r lwyn, yn wastad ac yn llawn. • Hip - Trwchus ac i dynnu ar i lawr yn dda. • Cynffon - Hyd canolig, cryf a llawn. • Coesau - Hyd cymedrol gydag asgwrn o gryfder canolig. Hociau i fod yn rhydd o wlan. Lliw, gwyn neu i fod ychydig yn lliw brown golau, lliw brown tywyll ddim yn ddymunol, llwyd i wahardd yn gyfan. • Tor - Yn syth, y cwd i fod yn rhydd o wlân. • Croen - Pinc a meddal • Gwlan - Hollol Gwyn, hyd canolig, grymus i’w afael, cyfran fach o gywarch i beidio â diarddel. Gwlân cyrliog, cemp coch a smotio du yn y cnu ddim yn ddymunol. • Ymddangosiad - Cydnerth, solat, yn cerdded yn ysgafn a bywiog ac yn dal ei ben I fyny yn dda. NODIR: Trwy benderfyniad y Pwyllgor Gwaith (24 Mawrth 1961) atgoffir y beirniaid o’r diffygion canlynol sy’n anghymhwyso arddangosion: • Wynebau llwyd a/neu goesau llwyd. • Dallineb parhaol. • Ceg Mochyn • Traed neu goesau nad ydynt yn gadarn. • Namau gwenerol Trwy benderfyniad Cyfarfod Blynyddol y Gymdeithas (2017) • Mamogiaid corniog i gael eu diarddel os yw'r corn wedi torri drwy'r croen